Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, në seancën e së enjtes në Kuvendin e Kosovës ka përmendur një çështje tjetër që nuk lidhej me raportimin dyvjeçar të Qeverisë së Kosovës para deputetëve.
Ai ka thënë se vendimi i ministrit të Financave Hekuran Murati për ndalje të të hyrave vetanake nuk ka bazë.
Sipas tij, nëse vazhdon ndërhyrja në pushtet të pavarur kushtetues, do të vazhdojë edhe saga e shkeljeve kushtetuese.
“A e din kryeministri, zëvendëskryeministri se kjo është e padrejtë, antikushtetuese, ndërhyrje e drejtpërdrejtë, shfrytëzimi i të hyrave vetanake, e keni letrën prej Asociacionit të Komunave të Kosovës, a mund të tregoni se mbi çfarë baze ndalen të hyrat vetanake”, ka thënë Tahiri.