Betim Osmani, kandidat, për kryetar të Mitrovicës së Veriut, ka thënë se qytetarët e Kosovës, të nacionalitetit serb, në veri të Mitrovicës, nuk janë të kënaqur me Listën Serbe.
Ai tha se 70 për qind, të tyre kanë pakënaqësi me mënyrën se si operon Lista Serbe, në të gjithë Kosovën.
Tutje ai tha se edhe institucionet e Kosovës, nuk janë duke e kryer punën e tyre si duhet.
“Kemi kontakt të përditshëm, atmosfera është që institucionet tona, por kemi shumë institucione, njerëz që punojnë aty nuk e kryjnë punën e vet, sidomos e sigurisë, nëse e raporton një krim dhe nuk merren masa, nuk është normale.70% të qytetarëve janë të pakënaqur me Listën Serbe, me udhëheqjen në tërë Kosovën”, ka thënë ai.
Osmani po ashtu theksoi se “shtyrja dhe bojkotimi i zgjedhjeve në katër komunat veriore, më së paku I konvenon qytetarëve të veriut”.