Ministri i Administrimit të Pushtetit Lokal të Kosovës, Elbert Krasniqi, të enjten ka takuar nënkryetarin e parë të Parlamentit Evropian, Othmar Karas.
Ai ka thënë se me nënkryetarin i Parlamentit Evropian (PE), ka diskutuar për demokracinë lokale, konkretisht për shërbime të ndryshme të reformave.
Këtë e ka bërë të ditur vetë Krasniqi nëpërmjet rrjetit social Twitter.
“Z. Karas është gjithmonë i përkushtuar për ta pozicionuar PE-në si zërin e të gjithë qytetarëve. Biseduam për demokracinë lokale, shoqërinë civile, shërbime efektive për qytetarët përmes iniciativave të ndryshme dhe reformave të qeverisjes vendore”, ka shkruar Krasniqi.
Gjithashtu, nënkryetari i parë i PE-së në takim është shprehur se integrimi i plotë i vendeve me aspirata evropiane është një element thelbësor i idesë evorpiane.
Elementi thelbësor nga ana evropiane është integrimi i plotë i vendeve me aspirata evropiane, dhe se Kosova ka një perspektivë të qartë për Bashkimin Evropian.
Great pleasure to welcome the Minister of Local Government Administration of Kosovo @elbertkrasniqi in the European Parliament. 🇽🇰🇪🇺
The full integration of countries with European aspirations is an essential element of the European idea. #Kosovo has a clear EU perspective. pic.twitter.com/UhIKgQE9BL
— Othmar Karas (@othmar_karas) May 5, 2022
Ndërkaq, ditë me parë Krasniqi është pritur në takim edhe nga eurodeputeti austriak, themeluesi i Shoqatës së Miqësisë Austriako-Kosovare, Lukas Mandl.
Gjatë këtij takimi është biseduar për mundësitë e reja të bashkëpunimit, promovimin e qeverisjes lokale si dhe përafrimin e diasporës kosovare në Austri, me theks të veçantë, te investimet e reja në përmbushjen e objektivave të Agjendës së Gjelbër të Komunave të Republikës së Kosovës.
Krasniqi, ka falënderuar atë për përkrahjen e tij të vazhdueshme në përshpejtimin e agjendës së integrimit dhe anëtarësimin e Kosovës në Bashkimin Evropian.
Ndërsa, Shefi i Grupit Parlamentar të Aleancës për Ardhmërinë e Kosovës, Besnik Tahiri, ka thënë më 25 prill, se Kosova duhet ta përfundojë sa më shpejt aplikimin në Parlamentin Evropian.
Kështu është shprehur ai përmes një postimi në llogarinë e tij në Facebook, teksa ka bërë të ditur se është duke marrë pjesë në sesionin plenar të Asamblesë Parlamentare të Këshillit të Evropës.