Promovimi i librit “Ekonomia në hije: trajtim teorik dhe empirik”, Mustafa: Trajton një fenomen të pranishëm në të gjitha vendet

Prezantim i librit “Ekonomia në hije: trajtim teorik dhe empirik” është bërë në kuadër të edicionit të II të Panairit Mbarëkombëtar të Librit Akademik dhe shkencor, i organizuar si nismë e përbashkët e Akademisë së Shkencave dhe të Arteve të Kosovës (ASHAK) dhe Akademisë së Shkencave të Shqipërisë (ASHSH)

Promovimi i librit "Ekonomia në hije: trajtim teorik dhe empirik” të autorëve Akademik Isa Mustafa, Akademike Justina-Shiroka Pula dhe Anëtarit Korrespondent Besnik Krasniqi.

Ish-kryeministri i Kosovës, Isa Mustafa, ka bërë të ditur se javën e kaluar në edicionin e dytë të Panairit Mbarëkombëtar të Librit Akademik, ka promovuar librin e tij “Ekonomia në hije – trajtim teorik dhe empirik”.

Libri në fjalë është shkruar nga Mustafa me bashkautorë akademik Justina Shiroka Pula dhe anëtar korrespondent i Akademisë së Shkencave dhe Arteve të Kosovës (ASHAK), Besnik Krasniqi.

Po ashtu, ai ka thënë se libri është botim i Akademisë së Shkencave dhe Arteve të Kosovës.

“Javën që shkoi, në edicionin e dytë të Panairit Mbarëkombëtar të Librit Akademik, promovuam librin “Ekonomia në hije – trajtim teorik dhe empirik”, autorë: Akademik Isa Mustafa, Akademike Justina Shiroka Pula dhe Anëtar korrespodent i ASHAK, Besnik Krasniqi, të botuar nga Akademia e Shkencave dhe e Arteve e Kosovës. Recensentë: Akademik Hivzi Islami dhe Prod.dr. Muhamet Mustafa”, ka shkruar Mustafa në rrjetin social, Facebook.

Sipas tij, libri trajton një fenomen ekonomik të pranishëm në të gjitha vendet e botës, por me dimensionin shqetësues në vendet me shtet ligjor të brishtë, me institucionet fragjile dhe ngecje në zhvillimin demokratik dhe ekonomik.

Ndër të tjera ai ka thënë se e gjithë vëmendja ndërlidhet me implikimet e kësaj ekonomie në të ardhurat buxhetore të shtetit, në të drejtat e të punësuarve, efekteve negative në konkurrencën në treg, ndikimin në aktivitetin investues.

Shija e redaktorit

Dorëzimi i donacionit PET-CT, Osmani takon sekretaren e organizatës Alwaleed...

Presidentja e Kosovës, Vjosa Osmani, i ka uruar mirëseardhje në Republikën e Kosovës, Princeshës Lamia Bint Majed Saud Alsaud, Sekretare e Përgjithshme e Alwaleed...

Zgjidhet ushtari më i mirë për vitin 2024

Këtë të premte është mbajtur ceremonia përmbyllëse e garës ndërkombëtare “Ushtari më i mirë 2024”, në Kazermën “Skënderbeu” në Komunën e Ferizajt. Tashmë janë shpallur...

Për tre muaj diaspora dërgoi mbi 284 milionë euro në...

Banka Qendrore të Kosovës (BQK) ka prezantuar të dhënat e fundit lidhur me dërgesat e mërgatës dhe të dhëna të tjera financiare për muajin...

Të fundit nga rubrika