Tetë fëmijë dhe roja e shkollës janë vrarë nga të shtënat që ndodhën mëngjesin e sotëm në shkollën fillore “Vladislav Ribnikar” në Beograd, ka njoftuar Ministria e Brendshme e Serbisë.
Në mëngjesin e sotëm, kryeqyteti serb u trondit nga të shtënat në një shkollë fillore, ku një nxënës 14-vjeçar ka hyrë në një klasë në orën e historisë dhe ka qëlluar pa ndalur, duke lënë të vdekur tetë nxënës dhe rojën e shkollës.
Shtatë nxënës kanë mbetur të plagosur dhe po trajtohen në spital.
Sipas mediave serbe, ai kishte veshur një kapuç të zi në kokë dhe po ecte i qetë sikur të mos kishte ndodhur asgjë.
Mediat raportojnë se i mituri nuk ishte i vetëm kur kreu masakrën, ai ka qenë së bashku me 6 të tjerë, të cilët kanë qenë të gjithë nën efektin e lëndëve narkotike.
Mësohet se i mituri që kreu masakrën është student shembullor dhe prindërit e tij janë pjesë e “bluzave të bardha”.