Ministri i Mbrojtjes, Armend Mehaj ka njoftuar se përgatitjet për ushtrimin “Defender Europe 23” janë duke vazhduar me intesitet të lartë.
“Ky ushtrim do të jetë një test i radhës për ushtrinë e Kosovës, në të cilin do të përgatiten kapacitetet tona luftarake”, shkruan Mehaj.
Ai ka përgëzuar shtabin, partnerët dhe të gjithë ata që janë duke u angazhuar që ky ushtrim të jetë në nivelin më të lartë organizativ.
“Ushtria e Kosovës do të jetë pjesë e NATO-se dhe në bazë të standardeve të saj është duke u forcuar çdo ditë. Kosova në NATO është gjithashtu një nga amanetet e dëshmorëve tanë”, ka shtuar Mehaj.