Trepça ka fituar ndeshjen dhe ka triumfuar në “dramën” në palestrën “Minatori”, me rezultat 97-90 kundër Pejës.
Tashmë rezultati i ndeshjeve është 2-1 në të mirë të verdhezinjve, teksa përballja e radhës zhvillohet të dielën në Pejë.
Pra, skuadrës nga Mitrovica i duhet vetëm një fitore për të rifituar titullin kampion pas një pritjeje prej 11 vjetësh.
Drilon Hajrizi pati paraqitje fantastike, duke e udhëhequr Trepçën drejt fitores me 28 pikë të shënuara dhe 7 kërcime. Hajrizin e kanë ndihmuar edhe Mikaile Tmushiq dhe Will Daniels.
Tmushiq e mbylli ndeshjen me 24 pikë, ndërsa Daniels me 15 pikë e 5 kërcime për këtë fitore shumë të rëndësishme.
Ndërsa, më të mirët te mysafirët ishin Brad Waldow me 17 pikë e pesë kërcime dhe Devoe Joseph me 21 pikë.