Kryeministri i Kosovës, Albin Kurti, është takuar me ambasadorin e Shteteve të Bashkuara të Amerikës në Kosovë, Jeff Hovenier.
Burimet nga RTV Dukagjini kanë bërë të ditur se “ky është takim i rregullt javor”.
Ky takim vjen një ditë para betimit të kryetarëve të zgjedhur në katër komunat veriore.
Ndryshe, Zyra e Kryeministrit ka bërë të ditur se në mbrëmjen e së mërkurës shefi i ekzekutivit ka zhvilluar një bisedë telefonike me këshilltarin e lartë të Departamentit amerikan të Shtetit, Derek Chollet.
Në këtë bisedë telefonike ata diskutuan për zhvillimet e fundit në dialogun Kosovë – Serbi, ku u kërkua që të ketë zbatim të plotë dhe të pakushtëzuar të Marrëveshjes së Brukselit.
Po ashtu, u diskutua edhe për situatën në katër komunat veriore dhe finalizimin e procesit zgjedhor me rastin e mbajtjes së seancave konstituive.