Teqja e Madhe e Gjakovës ka përcjellur indinjatën e thellë për “aktin vandal e makabër të grabitjes në Teqe”.
Kështu thuhet në një komunikatë për media ku theksohet se shuma e parave dhe gjërvae të tjera me vlerë, e grabitur në Teqe, ishte një pjesë e kursimeve disavjeçare tëShehut të Teqes së Madhe.
“Teqja e Madhe e Gjakovës përcjellë indinjatën e thellë për aktin vandal e makabër të grabitjes në Teqe. Shuma e parave ishte pjesë e kursimeve të Shehut, familjes Shehu dhe besimtarëve, me qëllim të investimit në rindërtimin përfundimtar të objektit të Teqes së Madhe në Marash-Hisar të Prizrenit”, thuhet në komunikatë.
Përmes kësaj komunikate është kërkuar nga organet e rendit që të zbardhet në plotni rasti.
“Shpresojmë që shumë shpejt organet e rendit dhe të drejtësisë ta kryejnë punën e tyre dhe ta zbardhin në plotni këtë rast”.