Ashtu edhe siç është paralajmëruar nga presidenti i klubit “Drita FC” , po ndodh.
“Fshesa” e paralajmëruar ka hyrë në funksion, pas konfirmimit të largimit të Hamdi Namanit dje, skuadra gjilanase sot e ka konfirmuar një tjetër largim.
Ilir Blakcori është largimi i radhës nga ky klub i konfirmuar nga faqja zyrtare e Dritës në rrjetin social Facebook.
Në njoftim thuhet se me marrëveshje të dyanshme klubi dhe lojtari kanë mbyllur bashkëpunimin që kanë pasur.
Drita gjithashtu ka falënderuar dhe i ka uruar suksese në vazhdim mbrojtësit Blakçori.
Ilir Blakçori është transferuar tek bardhekaltërit në sezonin 2019\2020 dhe ka zhvilluar gjithsej 132 paraqitje në të gjitha garat.
Blakçori me gjilanasit ka fituar trofeun e çmueshëm të kampionatit në sezonën 2019-2020.
Përveç Namanit e Blakçorit pritet të ketë edhe largime të tjera e krejt këto largime vijnë pasi Drita nuk arriti të fitoi ‘Albi Mall’ Superligën e Kosovës.