Si pasojë e një aksidenti trafiku, që kishte ndodhur këtë të martë në rrugën Skënderaj – Drenas, ka ndërruar jetë shoferi i veturës së aksidentuar.
Lajmin për Portalin Dukagjini, e ka konfirmuar, zëdhënësi i Policisë së Kosovës, për rajonin e Mitrovicës, Avni Zahiti.
Ai bëri të ditur se 33 vjeçari, ka vdekur rreth orës 22:00
“Një aksident trafiku me pasojë fataliteti është shkaktuar sot rreth orës 14:30, në rrugën rajonale Skenderaj -Drenas përkatësisht në fshatin Polac. Në aksident është përfshirë një veturë, ku si pasojë e aksidentit lëndime kanë pësuar shoferi dhe pasagjeri . Ndërsa reth orës 22:00, është raportuar se si pasojë e lëndimeve në QKUK ka vdekur shoferi i veturës i moshës rreth 33 vjeçare”, ka thënë ai.