Kryeministri i Kosovës, Albin Kurti dhe presidenti i Shqipërisë, Bajram Begaj janë takuar dhe kanë diskutuar për marrëdhëniet e mes dy vendeve.
Në këtë takim kryeministri Kurti ka shprehur keqardhjen e tij për anulimin e mbledhjes së përbashkët të dy qeverive, që ishte paraparë të mbahej të mërkurën në Gjakovë
“Ai e falënderoi presidentin Begaj për bashkëpunimin dhe mbështetjen e vazhdueshme ndaj Kosovës, si dhe për qëndrimin e tij në lidhje me rrëmbimin e tre policëve të Kosovës nga forcat serbe, duke e dënuar këtë akt të agresionit dhe duke kërkuar lirim të menjëhershëm të tyre”, njofton Kryeministria.
Mes tjerash në takim Kurti e njoftoi Begajn me propozimin e Qeverisë së Republikës së Kosovës për depërshkallëzim dhe normalizim të plotë të situatës në komunat në veri, teksa riktheksoi se sundimi i ligjit duhet të jetë premisa bazë e çdo zgjidhjeve për rrugën përpara.
Gjatë kësaj të premteje, kryeministri Kurti mori pjesë në Forumin e Prespës, në Strugë të Maqedonisë së Veriut.