Komandanti i KFOR-it, Angelo Michele Ristuccia, është takuar me ministrin e Mbrojtjes, Armend Mehaj, për të diskutuar në lidhje me tensionet në veri të Kosovës.
Në takim është theksuar për nevojën e deeskalimit të tensioneve dhe shtimin e sigurisë në atë pjesë të vendit.
“Sot komandanti i misionit të KFOR-it, të udhëhequr nga NATO, MG Ristuccia, ka takuar z. Mehaj nga Institucionet në Kosovë, për të diskutuar rreth situatës aktuale të sigurisë dhe nevojës për deeskalim të tensioneve”, thuhet në njoftim.
Po ashtu, aty u fol edhe për bashkëpunimin në mes të KFOR-it dhe FSK-së në disa fusha, siç janë shuarja e zjarrit, asgjësimi i mjeteve shpërthyese e kështu me radhë.
“Ata renovuan bashkëpunimin e tyre dhe ndihmën e KFOR-it për FSK-në për operacionet e mbrojtjes civile si shuarja e zjarrit, asgjësimi i mjeteve shpërthyese (EOD), kërkimi dhe shpëtimi (SAR) dhe reagimi ndaj materialeve të rrezikshme (HAZMAT)”, thuhet në njoftim.