Instituti Hidrometeorologjik i Kosovës ka njoftuar se situata e rëndë në Pejë ka ardhur si rrjedhojë e reshjeve të shiut me intensitet shumë të lartë, ku vetëm brenda një orë e 9 min (Nga ora: 19:35 deri 20:44), kanë rënë 54.6 mm (l/m2) reshje shiu.
Sipas IHMK-së, kjo sasi e reshjeve për interval kohor aq të shkurtër, është e pashmangshme pa shkaktuar vërshime, në këtë rast, atyre urbane.
IHMK-ja ka parashikuar se gjatë orëve të pasditës së sotme do të ketë reshje shiu, të cilat në pjesën perëndimore dhe veriore të vendit do të jenë me intensitet dhe shtrirje më të theksuar, duke shtuar se situata do të fillojë gradualisht të stabilizohet gjatë ditëve në vijim.
Instituti Hidrometeorologjik i Kosovës ka thënë se lumi Bistrica e Pejës nuk paraqet ndonjë rrezik për përmbytje lumore
“Niveli në ora 11h ishte 93 Cm, apo afro 2.5 m. nën vlerën e nivelit maksimal, tendencat janë në rënie të ngadalshme”, thuhet në njoftimin e IHMK-së.