Deputetit i Kuvendit të Kosovës, Isak Shabani, nga radhët e Partisë Demokratike të Kosovës(PDK), ka reaguar pas vizitës së kryeministrit të Kosovës, Albin Kurti dhe ministrit të Punëve të Brendshme, Xhelal Sveçlës, në veri të vendit ku këta të fundit i kanë vizituar pjesëtarët e Policisë së Kosovës, ndërsa deputeti këtë vizitë e ka quajtur “sfilatë”.
“Pak me herët ne e pamë një sfilatë, kryeministri që kishte shkuar t’i vizitojë Policinë e Kosovës në një pjesë të veriut. Më të vërtetë m’u dok sfilatë, megjithatë ai ka të drejtë të shkojë t’i vizitojë, por mbi të gjitha Kurti do të ishte mirë t’i paguajë shtesat e rrezikshmërisë për ata policë të cilët varën nga paga të cilën e marrin”, ka thënë ai në emisionin Debat Plus në RTV Dukagjini me Ermal Pandurin.
Sipas tij, paga është një mjet motivues për pjesëtarët e Policisë së Kosovës.
“Prandaj, një motiv duhet të jetë edhe paga që e marrin dhe jo vetëm ana atdhetare e patriotike”, ka thënë ai.