Gjykata Themelore në Prishtinë ka caktuar masën e paraburgimit kundër të pandehurit, gjinekologut, A.G, për shkak të dyshimit se ka sulmuar profesoreshën e Fakultetit të Mjekësisë, Hatixhe Latifi-Pupovci.
Siç është njoftuar, gjyqtarja e procedurës paraprake, kërkesën e prokurorit të shtetit për caktimin e masës së paraburgimit kundër të pandehurit A.G, e ka aprovuar si të bazuar dhe të njëjtit i ka caktuar masën e paraburgimit në kohëzgjatje prej një muaji.`
Latifi-Pupovci kishte sqaruar incidentin duke thënë se një sulm i tillë nuk kishte asnjë motiv të kuptueshëm.
Pas sulmit, profesoresha kishte marrë tretman mjekësor në Klinikën Emergjente në Prishtinë.