Dy persona janë arrestuar në Prishtinë, nën dyshimet për tentim vrasje. Këtë e ka bërë të ditur Policia e Kosovës përmes një njoftimi, ku thuhet se të dyshuarit kanë përdorur mjet të mprehtë ndaj viktimave.
“Ngjarja ka ndodhur sot rreth orës 10:30, në lagjen ‘Përroi i njelmët’ në Prishtinë, me ç’ rast, viktimat kishin pësuar lëndime trupore nga një mjet i mprehtë që dyshohet të jetë përdorur nga të dyshuarit e përfshirë në rast”, thuhet në njoftim.
Të dyshuarit janë identifikuar, sipas policisë ata janë: V. S, mashkull, 27 vjeç, shtetas i Republikës së Kosovës, si dhe A. Z, mashkull, 22 vjeç, shtetas i Republikës së Kosovës,.
Të dy janë dërguar në mbajtje prej 48 orësh.