Gjatë kësaj të marte, rreth orës 20:00, ka ndodhur një përleshje fizike në rrugën ”Ibrahim Lutfiu” në Prishtinë, ku si pasojë janë lënduar tre persona.
Rastin për Portalin Dukagjini e ka konfirmuar zëdhënësja e Policisë për rajonin e Prishtinës, Flora Ahmeti.
Ahmeti ka thënë se në vendin e ngjarjes policia ka gjetur një armë zjarri dhe po kryen procedurat e sekuestrimit.
“Sot rreth orës 20:00, policia ka marrë informatën për një përleshje fizike në rrugën ‘Ibrahim Lutfiu’ në Prishtinë. Menjëherë pas marrjes së informatës, policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare, dyshohet se gjatë përleshjes, janë lënduar tre persona, njëri prej tyre është shoqëruar në stacion policor. Në vendin e ngjarjes policia ka gjetur një armë zjarri dhe po kryen procedurat e sekuestrimit. Aktualisht, hetuesit policorё në koordinim me Prokurorinë po ndërmarrin veprimet hetimore për ndriçimin e plotë të rastit”, ka thënë Ahmeti.