Berat Buzhala, gazetar dhe pronar i gazetës online “Nacionale”, ka reaguar në lidhje me vendimin e Qeverisë së Kosovës për mbylljen e Klan Kosovës.
Ai u ka bërë thirrje mediave e gazetarëve të vendit të kalojnë në grevë të përgjithshme, dhe të solidarizohen me Klan Kosovën.
“I ftoj te gjithe koleget gazetare ne krejt Kosoven qe te solidarizohemi me Klan Kosoven. Ky eshte testi i vertete dhe me serioz i demokracise dhe mediave te lira”, ka shkruar Buzhala.
Buzhala, gjithashtu, përmes disa postimeve të tjera përmend aferën e Martin Berishajt, ku thotë se Martin Berishës i kanë ardhur miliona nga Serbia dhe Albini vetëm e ka mbrojtur.
Kujtojmë që Qeveria e Kosovës tash e një kohë i ka pezulluar licensën e punës Klan Kosovës, me arsyetimin se ky biznes është i regjistruar në Serbi. Kurse, së fundi, Qeveria e Kosovës ka marrë vendim që ta mbyllë komplet Klan Kosovën.