Halil Bicaj, ish-Ministri i Mbrojtjes në ish-Qeverinë e Bujar Bukoshit, ka dhënë një intervistë në “Debat Plus” ku ka diskutuar rreth luftës së “vonuar” të Forcave e Armatosura të Republikës së Kosovës (FARK) në luftën që po zhvillohej në Kosovë kundër okupatorit serb.
Bicaj, ka thënë se kanë vepruar në mënyrën më të shpejt që kanë mundur, duke theksuar se atëbotë një anije me armatim u kishte mbetur ne portin e Durrësit. Dhe këto armë më vonë “dikush më lartë dhe jo shteti shqiptar” do të tentonte tu’a shiste, pra armët e tyre.
“Ne kemi vepruar në mënyrën më të shpejt të mundur në atë kohë. Njerëzit harrojnë që kemi pasur embargo në armatim. Neve na ka ardhë një anije me armatim në portin e Durrësit, kurrë se kemi marrë. E ka marrë dikush tjetër, pastaj tentojshin të m’i shtinin armët e mia, mua. Armët që janë kanë për ushtrinë e Kosovës. Nuk është shteti shqiptar por dikush më lartë që e ka bërë këtë”, ka thënë Bicaj.