Një grua ka raportuar në Polici në Gjakovë se është dhunuar nga një burrë dhe është sulmuar seksualisht nga një tjetër.
Në raportin 24-orësh të policisë thuhet se rastet janë të ndara dhe kanë ndodhur në periudha të ndryshme kohore.
I dyshuari për sulm seksual thuhet se është arrestuar, ndërkaq i dyshuari për dhunim thuhet se është në kërkim policor dhe është jashtë vendit.
Viktima është dërguar për kontroll mjekësor, ndërsa rasti nën hetime.
“Viktima femër kosovare ka raportuar se ndaj saj janë kryer veprat e lartcekura nga dy të dyshuar të ndryshëm, në periudha të ndryshme kohore, ku si rrjedhojë nga njësitë policore njëri nga të dyshuarit (për sulm seksual) është arrestuar dhe dërguar në mbajtje, ndërsa i dyshuari i dytë ndodhet në kërkim policor ku sipas informacioneve ndodhet jashtë vendit. Lidhur me rastin me vendim të prokurorit viktima femër kosovare pas intervistimit është dërguar për kontroll mjekësor. Rasti nën hetime”, thuhet në raportin 24-orësh.