Kompania Rajonale e Ujësjellësit “Prishtina” njofton se gjatë së shtunës së 19 gushtit, ka vazhduar aksionin për identifikimin e kyçjeve ilegale.
KRU “Prishtina” njofton se nga ora 07:00 deri në orën 09:00 janë identifikuar dhe shkyçur gjashtë lidhje ilegale në lagjen “Veternik” të Prishtinës.
“Sot nga ora 07:00-09:00 janë identifikuar dhe shkyçur 6 lidhje ilegale në Veternik”, njofton KRU “Prishtina”.
Në këtë njoftim thuhet se rastet e identifikuara janë gjetur në rrugën “Mbreti Gent”, rrugën “Sadik Stavileci” dhe rrugën “Agim Hajrizi”.
“Veterniku prin me raste ilegale. Vazhdon aksioni”, thuhet në njoftim.