Të dielën e 20 gushtit rreth orës 09:30 në rrugën magjistrale Ferizaj-Kaçanik në fshatin Dubravë, është arrestuar një 41-vjeçar, i cili ishte i kërkuar me urdhëresë të gjykatës.
“Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘Vjedhje e pyjeve’ me dënim burgimi prej gjashtëdhjetë ( 60 ) ditëve. Pas kompletimit të dokumentacionit, i njëjti është dërguar në vuajtje të dënimit”, njofton Policia e Kosovës.
Policia Rajonale e Ferizajt ka ftuar qytetarët për bashkëpunim, duke shtuar se të dhënat e tyre do të ruhen në konfidencialitet të plotë.
“Policia Rajonale e Ferizajt fton qytetarët për bashkëpunim sa herë që kanë informacione për personat e kërkuar nga organet e rendit, të njoftojnë menjëherë stacionin e policisë më të afërt, apo përmes aplikacionit digjital ‘Lajmëro Policinë’ dhe në numrat kujdestarë : 192 ,0290/326-250 & 0290/322-406. Të dhënat e juaja do të ruhen në konfidencialitet të plotë”, thuhet në njoftim.