Kryeministri i Kosovës, Albin Kurti, të hënën e 21 gushtit ka udhëtuar për në Athinë me ftesë të kryeministrit grek, Kyriakos Mitsotakis.
Siç njofton Kryeministria, atje Kurti do të marrë pjesë në darkën e ftuar nga kryeministri Mitsotakis për liderët e Ballkanit Perëndimor, e cila po mbahet në 20-vjetorin e Samitit të Selanikut.
Po ashtu, gjatë qëndrimit atje, shefi i ekzekutivit do të zhvillojë edhe disa takime.