Janë bërë dy javë në zbatim të urdhrit operativ “Goditja” dhe Policia e Kosovës ka publikuar aktivitetet konkrete që janë evidentuar.
Policia njofton se gjatë këtij dy javorshi janë realizuar 6 mijë e 29 pika kontrolli për automjete, 1 mijë e 765 prej tyre me radarë dhe alool-test.
“Janë kontrolluar 35324 vetura, janë kontrolluar 420 lokale, janë arrestuar 155 persona, prej tyre 50 me urdhër-arreste nga gjykatat dhe janë konfiskuar 54 armë”, njofton Policia.
Në njoftimin e Policisë së Kosovës thuhet se edhe ditëve në vazhdim do të jetë në zbatim urdhri në fjalë dhe do të vazhdojnë aktivitet e policisë në zbatim të tij.