Bekim Haxhiu deputet në Kuvendin e Kosovës, nga radhët e Partisë Demokratike të Kosovës, ka reaguar pas vendimit të Ministrisë së Arsimit, Shkencës dhe Teknologjisë (MASHT), për subvencionimin e pindërve me nga 80 euro për paisje me tekste shkollore.
Ai përmes një postimi në faqen e tij zyrtare në Facebook, thotë se po dëmtohet buxheti i shtetit sepse gati mbi 6 milionë euro më shumë po shpenzohen për blerjen e librave.
“Gjithësej 10,915,260€ do t’i kushtoj Buxhetit të Kosovës blerja e librave me vendimin dhe metodologjinë e përcaktuar nga Ministria e Arsimit. Këto shpenzime janë si pasojë e dështimit të MASHT të sigurojë blerjen e librave me 4.8milon euro. Dëmtimi i Buxhetit të Kosovës është mbi 6 milion euro dhe për këtë dikush duhet të jap llogari dhe përgjegjësi penale”, ka shkruar Haxhiu.
Haxhiu në postimin e tij ka bërë edhe disa kalkulime duke u bazuar në të dhënat e MASHT-it, dhe Agjencisë Statistikore të Kosovës (ASK).
Së fundi ministrja e arsimit, Arbërie Nagavci, ka publikuar edhe disa statistika ku thuhet se deri më tash për subvencionimin me tekste shkollore kanë aplikuar 11:800 prindër ose kujdestar ligjorë.