Ndonëse në mëngjes pritja në pikat kufitare ishte një orë, tani e njëjta ka arritur në 4 orë për të dalë nga Kosova nga pika kufitare e Merdarës.
Siç njofton Qendra Kombëtare për Menaxhim Kufitar, kolona në dalje të kësaj pike është 2000 metra.
Ndërkaq, te pika kufitare e Dheut të Bardhë, koha e pritjes për të dalë nga Kosova arrin në 120 minuta.
Kolonat në këtë pikë arrijnë në 1000 metra.
Kolona më e shkurtër është regjistruar në Mutivodë, ndërsa pritja për të dalë nga kjo pikë arrin në dy orë.
Kujtojmë se pritjet në pikat kufitare kanë qenë të gjata tash e disa muaj.