Policia e Kosovës ka nisur hetimet lidhur me tri vdekje gjatë dy ditëve të fundit.
Sipas raportit 24 orësh të Policisë, hetimet lidhen me vdekjen e një pacienti nga Podujeva, i cili po trajtohej në Qendrën Klinike Universitare të Kosovës (QKUK).
“Podujevë 02.09.2023 – 02:40. Është raportuar se viktima mashkull kosovar gjersa ishte në tretman mjekësor në QKUK, ka ndërruar jetë. Me vendim të prokurorit, trupi i pajetë është dërguar në IML për obduksion”, thuhet në raportin e Policisë.
Rasti tjetër ka të bëjë me dërgimin e viktimës mashkull në Qendrën Klinike të Mjekësisë Familjare në Rahovec, pa shenja jete.
“Rahovec 03.09.2023-18:40. Në QKMF është dërguar pa shenja jete viktima mashkull kosovar. Vdekjen e viktimës e ka konstatuar ekipi mjekëso. Me vendim të prokurorit trupi i pajetë i viktimës është dërguar në IML për obduksion”, thuhet në raportin e Policisë.
Kurse si vdekje e dyshimtë, sipas policisë, po cilësohet gjetja e trupit të pajetë mashkull në Kamenicë e që vdekjen e tij e ka konstatuar ekipi mjeksor.
“Kamenicë 03.09.2023-18:20, Është gjetur pa shenja jete viktima mashkull kosovar. Vdekjen e viktimës e ka konstatuar ekipi mjekësor në vendin e ngjarjes. Me vendim të prokurorit trupi i pajetë i viktimës është dërguar në IML për obduksion”, thuhet në raportin e Policisë.