Policia e Kosovës ka njoftuar se në orët e vona të së dielës ka ndodhur një grabitje e armatosur në një pompë të derivateve në fshatin Shakovicë të Podujevës.
Sipas policisë, të dyshuarit ishin të maskuar dhe se ishin tre persona.
Në lidhje me rastin është konsultuar prokurori i shtetit, rasti vazhdon të hetohet.
“Viktima mashkull kosovar ka raportuar se përderisa ishte në vendin e punës në një pikë derivatesh, së bashku me tre dëshmitarët tjerë meshkuj kosovarë, aty kishin hyrë tre të dyshuar deri me tani të panjohur, të maskuar, dy prej tyre të armatosur dhe nën kanosjen e armëve kanë grabitur para, e me pas me një veturë kanë ikur nga vendi i ngjarjes në drejtim të panjohur. Njësitet relevante policore kanë dalë në vendin e ngjarjes. Në lidhje me rastin është konsultuar prokurori i shtetit, rasti vazhdon të hetohet”, thuhet në njoftimin e policisë.