Drejtoria e Arsimit në Prishtinë edhe sivjet ka dalur me performancën më të suksesshme.
Javën e kaluar, organizata GAP ka bërë vlerësimin e punës së Komunës së Prishtinës dhe premtimeve të bëra në fushatë.
Edhe sivjet Drejtoria e Arsimit në Komunën e Prishtinës e ka pasë performancën më të mirë sa i përket përmbushjes së premtimeve.
“Drejtoria e Arsimit e udhëhequr nga Besianë Musmurati, nga 23 premtime gjithsej, 18 i kanë përbushur apo janë në proces të realizimit ndërsa 5 nuk kanë filluar ende. Pra kanë filluar ose janë përmbushur rreth 80% e premtimeve në fushën e arsimit. Edhe tri drejtori të tjera që vlenë të përmenden janë Drejtoria e Administratës, Drejtoria e Bujqësisë dhe ajo e Shërbimeve Publike, që të trija i kanë përbushur ose janë në proces të realizimit të rreth 70% të premtimeve”, thuhet në njoftimin e Institutit GAP.
