Në margjinat e Asamblesë së Përgjithshme të OKB-së, emisari special i BE-së, Miroslav Lajçak, ka zhvilluar një takim me presidentin e Serbisë, Aleksandër Vuçiq.
Në një njoftim në platformën X, Lajçak deklaruar se biseda mes tyre u përqendrua në çështjet lidhur me procesin e normalizimit të marrëdhënieve ndërmjet Serbisë dhe Kosovës.
Sipas njoftimit të Lajçakut, ata ranë dakord se është e rëndësishme të ketë një përparim në zbatimin e Marrëveshjes për Rrugën e Normalizimit mes dy vendeve.
Në njoftim, Lajçak gjithashtu ka theksuar rëndësinë e uljes së tensioneve ndërmjet Serbisë dhe Kosovës.
“Diskutim i rëndësishëm me presidentin e Serbisë, Aleksandër Vuçiq, në rrugën përpara në Dialogun në margjinat e e Asamblesë së Përgjithshme të OKB. Ramë dakord për nevojën për të avancuar zbatimin e Marrëveshjes për Rrugën e Normalizimit dhe rëndësinë e uljes së tensioneve”, ka shkruar Lajçak.
Important discussion with @predsednikrs on the way forward in the Dialogue in the margins of #UNGA. Agreed on the need to advance the implementation of the Agreement on the Path to Normalisation and the importance of lowering tensions. pic.twitter.com/wxYBI1uiWx
— Miroslav Lajčák (@MiroslavLajcak) September 21, 2023