Kryeministri i Kosovës, Albin Kurti, është pritur nga presidenti i Zvicrës, Alkain Berset, i cili ka kërkuar nga shefi i ekzekutivit kosovar përkushtim për të garantuar një shkallë adekuate të vetëmenaxhimit për komunat me shumicë serbe.
Siç bëhet me dije përmes një komunikate të lëshuar nga presidenca zvicerane temat e takimit ishin rreth situatës në veri të Kosovës dhe procesit të udhëhequr nga Bashkimi Evropian (BE) për normalizimin e marrëdhënieve ndërmjet Kosovës dhe Serbisë.
“Presidenti theksoi mbështetjen e Zvicrës për procesin e normalizimit dhe bëri thirrje për zbatimin e marrëveshjeve të negociuara në Bruksel dhe Ohër në pranverë. Në Serbi dhe Kosovë nevojiten hapa të besueshëm dhe pragmatizëm për ta rikthyer procesin në binarë. Prandaj, diskutimet trajtuan hapat e përcaktuar në marrëveshjet që do të ndërmerren nga të dyja palët, duke përfshirë përkushtimin e qeverisë së Kosovës për të garantuar një shkallë adekuate të vetë-menaxhimit për komunat me shumicë serbe”, thuhet në njoftim.
Kujtojmë se Kurti ka udhëtuar për në Zvicër për të politikanët shqiptarë që do të marrin pjesë në zgjedhjet e 22 tetorit atje.