Kryetari i Partisë Demokratike, Lulzim Basha, ka reaguar lidhur me vrasjen e një zyrtari policor dhe plagosjen e një tjetri në Banjskë të Zveçanit, sot në orët e para të mëngjesit.
Basha është shprehur i tronditur lidhur me rastin dhe u ka bërë thirrje autoriteteve të Beogradit të dënojnë sulmin ndaj Policisë së Kosovës.
“Ju bëj thirrje autoriteteve të Beogradit të dënojnë dhe të distancohen prerazi nga kjo ngjarje e rëndë dhe nga gjuha e aktet destabilizuese”, ka shkruar Basha.
Basha ka theksuar se janë “në krah” të punonjësve të Policisë së Kosovës dhe autoriteteve të vendit teksa punojnë për vënien e autorëve të kësaj ngjarjeje të rëndë para drejtësisë.