Mbledhja e Kryesisë së Kuvendit është anuluar me kërkesën e kryetarit të Kuvendit të Kosovës, Glauk Konjufca, për shkak të ditës së zisë, të shpallur nga presidentja Vjosa Osmani.
“Me kërkesën e Kryetarit të Kuvendit, Glauk Konjufca, mbledhja e Kryesisë, e paraparë për sot, anulohet, sipas Vendimit të Presidentes Vjosa Osmani-Sadriu, për shpalljen e zisë shtetërore në Republikën e Kosovës, ditën e hënë, 25.09.2023”, thuhet në njoftimin e Kuvendit në faqen zyrtare në Facebook.
Rreshteri Afrim Bunjaku u vra në detyrë nga kriminelët serbë mëngjesin e së dielës. Ky sulm ndaj Policisë së Kosovës, nga institucionet shtetërore u konsiderua si sulm terrorist.
Gjatë betejës së policisë me kriminelët serbë, mbetën të vrarë tre nga këta të fundit si dhe janë arrestuar disa të tjerë.