Në rrugën “Transiti i vjetër” në Prizren, pas një zënke të viktimës dhe dy të dyshuarve, dyshohet se njëri nga të dyshuarit ka shtënë me armë zjarri në drejtim të viktimës, me ç’ rast i ka shkaktuar lëndime trupore.
“Njësitet policore relevante me urgjencë i janë përgjigjur rastit. Viktimës i është ofruar ndihmë mjekësore në qendrën emergjente në spitalin rajonal të Prizrenit dhe sipas mjekut kujdestar gjendja e tij është stabile”, ka njoftuar Policia e Kosovës.
Dy të dyshuarit janë arrestuar nga zyrtarët policorë dhe në vendngjarje është konfiskuar një revole e tipit Cervena Zastava e kalibrit 7.65 mm dhe gjashtë fishekë, të cilat do të përdorën si dëshmi për gjykatën.
Rrethanat se si ka ndodhur rast në koordinim me prokurorin e shtetit janë duke u hetuar nga ana e njësiteve relevante, të cilat kanë në vendin e ngjarjes, rasti i cili nga prokurori i shtetit është cilësuar “Vrasje në tentativë”.