Ministri i Financave, Hekuran Murati, ka treguar se në javën që po lëmë pas janë nënshkruar marrëveshje për projekte zhvillimore në vlerë prej 79 milionë eurosh.
Murati ka thënë se prej tyre janë 61 milionë eurosh me KfW Gjermane për Parkun Solar 100 MW në KEK, ku 32 milionë euro prej tyre janë grant nga WBIF.
Ai ka thënë se 9 milionë euro janë grant me qeverinë zvicerane për rritjen e efikasitetit dhe efiçiencës në kompanitë rajonale të ujësjellësit.
Tutje, Murati është shprehur se 9 milionë euro janë grant nga fondet e BE-së me Bankën Botërore për përmirësimin dhe rehabilitimin e sistemeve të ujitjes për tokat bujqësore në Rrafshin e Dukagjinit.
Sipas tij, janë 50 milionë euro grante që nuk ka nevojë të kthehen dhe 29 milionë euro kredi me kushte koncesionale.