Në mbledhjen e KiE, Kosova nuk ishte në agjendën e diskutimit për pranimin e saj, por pavarësisht kësaj, Ministri i Punëve të Jashtme të Maqedonisë Veriut, Bujar Osmani, ka kërkuar që shteti i Kosovës të pranohet në KiE.
Osmani ka lobuar duke treguar vlerat e Kosovës, dhe duke argumentuar se Kosova meriton të jetë anëtare e saj.
“Përderisa Këshilli i Evropës përjashtoi vendin (Rusinë) i cili i shkeli vlerat themelore të organizatës, duhet ta mbështesin kërkesën e Kosovës si shtet që i pasqyron gjithë vlerat e kësaj organizate”, kishte thënë i pari i Diplomacisë së Maqedonisë së Veriut Osmani.
Përveç Maqedonisë se Veriut, Kosova është duke u përkrahur nga Gjermania e cila kishte dhënë edhe sugjerimin për aplikim në KiE.
Edhe aleati kryesor Shtetet e Bashkuar të Amerikës (SHBA) janë duke e përkrahur Kosovën.
Ndërsa, Franca është duke e kundërshtuar aplikimin e njëanshëm, kështu kishte deklaruar ambasadori i Francës në Beograd.