Analisti Agon Maliqi ka reaguar lidhur me deklarimin e presidentit të Francës, Emmanuel Macron, i cili tha se është pezulluar përkohësisht liberalizimi i vizave për Kosovën.
Në një postim në Twitter, Maliqi thotë se Franca nuk ka fuqi të revokojë vetë vendimin e BE-së për liberalizimin e vizave për Kosovën.
Sipas tij, qëndrimi i presidentit të Francës është “presion” që ta ringjallë dialogun në mes të Kosovës dhe Serbisë.
“Franca nuk ka fuqi të revokojë vetë vendimin e BE-së për liberalizimin e vizave për Kosovën. Mund të përpiqet të detyrojë një rishikim, por do të rezistohet. Macron e di këtë, kështu që me shumë gjasa ky është qëndrim dhe presion për të ringjallur dialogun. Gjë që me shumë gjasa do të dështojë”, shkroi ai.
France does not have the power to revoke on its own the EU’s decision on Kosovo’s visa liberalisation. It can try to force a review, but will be resisted. Macron knows this, so this is most likely posturing and pressure to revive 🇽🇰🇷🇸 dialogue. Which will most likely backfire.
— Agon Maliqi (@AgonMaliqi) October 17, 2023
Presidenti i Francës, Emmanuel Macron, ka theksuar se çështja e liberalizimit të vizave, është pezulluar nga ana e Francës, sepse sipas tij, ka të bëjë me respektin e fjalës së dhënë dhe e njëjta Macron thotë se nuk po mbahet.
“E them me shumë qartësi që iu kemi besuar për çështjen e vizave, çështja është pezulluar nga ana e Francës sepse ka të bëjë me respektin e fjalës së dhënë dhe e njëjta nuk po mbahet. Pres që të angazhohen të dyja palët që të ecin përpara në javët e ardhshme, është kushti i paqes në të gjithë zonën”, tha ai.
Kështu ka thënë ai në një konferencë të përbashkët me kryeministrin e Shqipërisë, Edi Rama, në Tiranë.