Projekti për portin e ri të Durrësit është prezantuar gjatë takimit të kryeministrit të Shqipërisë, Edi Rama, në zyrën e tij të shtunën me projektuesit holandez të këtij projketi.
Projekti i ri që lidh Durrësin me Prishtinën, do të shërbejë si terminal intermodal i brendshëm dhe do të jetë i lidhur me Durrësin.
Përmes një video të realizuar nga studio holandeze, projektuesit kanë treguar idetë dhe vizionin për projektin e ri të Durrësit, të cilin e konsiderojnë si vepër madhështore dhe që ka ndikim të shtrirë në të gjithë rajonin.
Edi Rama dhe ekipi holandez që kanë planifikuar këtë projekt, kanë qenë live në Facebook të profilit të Edi Ramës dhe kanë biseduar rreth projektit.
Qëllimi i këtij projekti, sipas kryeministrit të Shqipërisë Edi Rama është transformimi i infrastrukturës së vjetër në një ndër shtyllat e vizionit Shqipëria 2030.
Edi Rama ka thënë se: “Saktësisht ky ishte qëllimi, që nga fillimi e kemi parë që porta aktuale nuk kishte kapacitete për t’u zgjeruar”.
Kryeministri i Shqipërisë ka shtuar se porti e re ka potencial dhe kapacitet, në të njëjtën kohë bën që Shqipëria të ketë portën kryesore në të gjithë Ballkanin Perëndimor.