Ekipi i RTV Dukagjinit që po raporton nga terreni mëson se minatorët grevistë të Trepçës nuk e kanë pranuar ushqimin dhe pijet sot.
Minatorët e Trepçës janë në grevë urie nga dita e djeshme.
Më herët kemi raportuar se një minatori i është keqësuar sot gjendja shëndetësore.
Kryetari i Sindikatës së Minatorëve, Ibrahim Jonuzi për Portalin Dukagjini ka thënë se edhe 50 minatorë të tjerë nuk e kanë gjendjen e mirë shëndetësore.
“Gjendja shëndetësore e tyre po shkon veç duke u rënduar, rrethanat, kushtet e minierës janë shumë të vështira”, ka thënë Jonuzi.