Përfundon bastisja në shtëpinë e Bashkim Smakajt, avokati: Ai nuk është i dyshuar

Ka përfunduar bastisja e hetuesve të Prokurorisë së Specializuar në shtëpinë e ish-shefit të AKI-së, Bashkim Smakajt dhe avokati i tij, Artan Qerkini ka thënë se ai nuk është i dyshuar

Artan Qerkini, avokat

Tashmë ka përfunduar bastisja e hetuesve të Prokurorisë së Specializuar së Hagës në shtëpinë e ish-shefit të Agjencisë së Kosovës për Inteligjencë (AKI), Bashkim Smakajt.

Avokati i tij, Artan Qerkini ka thënë se bastisja ka filluar në orën 8 të mëngjesit.

Qerkini në një deklarim para gazetarëve ka thënë Smakaj nuk është evidentuar si i dyshuar.

“Z. Smakaj fare nuk është evidentuar në këto dokumente si i dyshuar”, ka thënë avokati Smakaj.

Ai ka pyetur se “si ka mundësi që të kenë qasje në shtëpinë e një ish-shefi të shërbimit të inteligjencës persona që nuk e kanë certifikatën e sigurisë”.

Qerkini ka bërë të ditur se janë marrë disa dokumente, të cilat nuk dihen se të çfarë rëndësie janë.

“Dokumentet janë marrë. A është marrë ndonjë dokument që është i ndjeshëm për sigurinë e shtetit të Kosovës, kjo mbetet të shihet”, ka thënë avokati në një deklarim para gazetarëve.

 

Shija e redaktorit

Përballja e madhe për Prishtinën: Rama, Çeku e Ismaili më...

Më 9 tetor, e enjte në Debat plus, do të zhvillohet një debat mes tre kandidatëve për kryetar të Prishtinës. Pjesëmarrjen e ka konfirmuar sot...

”Lufta e UÇK-së ishte një pelegrinazh”- Ish-komandant “Remi”: Në UÇK...

Rrustem Mustafa, ish-komandanti i UÇK-së për Zonën Operative të Llapit, është pyetur për Albin Kurtin nëse është veteran i UÇK-së, pasi ai e ka...

Ali Ahmeti: Dëshmia e James Rubin çmontoi propagandën kundër UÇK-së

Lideri i Bashkimit Demokratik për Integrim (BDI), Ali Ahmeti, ka reaguar pas dëshmisë së dhënë nga James Rubin në gjykimin ndaj ish-krerëve të Ushtrisë...

Të fundit nga rubrika