Ka gjashtë muaj që kryetari i Leposaviqit, Lulzim Hetemi, jeton brenda ndërtesës së komunës. Ai në një intervistë për RTK para disa ditësh ka thënë se do të vazhdojë të mbetet aty, derisa largimin nuk ia kërkon shteti i Kosovës, përkatësisht qeveria dhe kryeministri Albin Kurti.
Por, “Oso Kuka” siç e quante kryeministri shqiptar, Edi Rama, është parë jashtë objektit të komunës. Kjo u bë e ditur nga vetë Hetemi, i cili ka postuar disa fotografi në llogarinë e tij në Facebook, duke treguar se kush e vizitoi.
“Kënaqësi t’i pres në takim Sekretarin Organizativ të LVV-së, z. Alim Rama dhe nënkryetarin e Qendrës së LVV-së në Mitrovicë, z. Alban Uka”, ka shkruar Hetemi.