Një person ka pësuar lëndime trupore pas goditjes me thikë të dielën e 5 nëntorit.
Rasti raportohet të ketë ndodhur në Mitrovicë të Veriut, teksa viktima është dërguar në trajtim mjekësor në spitalin rajonal të Mitrovicës së Veriut.
Njësitet relevante policore kanë dalë në vendin e ngjarjes, me ç’rast kanë gjetur dhe sekuestruar një revole dhe një granatë dore.
“Mitrovicë Veri 05.11.2023 – 22:25. Është raportuar se pas një zënke verbale viktima mashkull kosovar ishte sulmuar dhe therrur me thikë nga i dyshuari mashkull kosovar, i cili pasi e ka kryer veprën është larguar nga vendi i ngjarjes dhe ndodhet në arrati. Viktima për tretman mjekësor është dërguar në spitalin rajonal Mitrovicë Veri. Njësitet relevante policore kanë dalë në vendin e ngjarjes, me ç’rast kanë gjetur dhe sekuestruar një revole dhe një granatë dore. Përveç njësive policore, në vendin e ngjarjes ka dalë edhe prokurori i cili e ka cilësuar rastin dhe vazhdon të hetohet”, thuhet në raport.
Në vendin e ngjarjes ka dalë edhe prokurori i cili e ka cilësuar rastin si vrasje e rëndë në tentativë dhe armëmbajtje pa leje dhe vazhdon të hetohet.