Gjykata Speciale ka marrë vendim për vazhdimin e paraburgimit ndaj ish-kryetarit të Malishevës, Isni Kilaj.
Vendimi u bë i ditur pas aprovimit të kërkesës së Dhomave të Specializuara për të vazhduar paraburgimin e Kilajt, siç është publikuar në një dokument të lëshuar nga Gjykata Speciale.
Vendimi për paraburgimin e Isni Kilajt erdhi pas urdhrit të lëshuar nga prokurorja e Specializuar për vepra penale të lidhura me administrimin e drejtësisë.
Ky urdhër përfshin akuzat për pengim të personave zyrtarë në detyrat e tyre zyrtare, në përputhje me Kodin Penal të Kosovës të vitit 2019, si dhe shkelje të fshehtësisë së procedurës dhe Ligjit për Dhomat e Specializuara të Kosovës dhe Zyrën e Prokurorit të Specializuar.
Isni Kilaj u arrestua nga Zyra e Prokurorit të Specializuar më 3 nëntor dhe një ditë më vonë është mbajtur një seancë për të vendosur masën e sigurisë ndaj tij.
Mbrojtja ka thënë se s’ka prova se ai është fajtor derisa Prokuroria ka thënë se ka gjetur prova të dëshmitarëve në banesën e Kilajt
Gjatë parashtrimeve të veta në paraqitjen e parë të Isni Kilajt, mbrojtja e tij përmes avokatit Iain Edwards tha se nuk ka prova që tregojnë se ai është fajtorë për veprat për të cilat Zyra e Prokurorit të Specializuar pretendon se i ka kryer.
Lexo edhe : ZPS thotë se në banesën e tij u gjetën materiale konfidenciale që lidhen me dëshmitarët