Gjykata e të Drejtave të Njeriut në Strasburg ka vendosur në lidhje për padinë e të afërmve të viktimave të tragjedisë së Gërdecit.
Teksa kjo çështje ndodhet në Gjykatën e Posaçme pas një kërkese të SPAK, Gjykata Evropiane thekson se ka pasur shkelje të drejtave të njeriut ndër vite, shkruan Euronews.
Sipas vendimit të Strasburgut, vendimtarët theksojnë se familjarët e viktimave do të duhej të ishin përfshirë në procesin gjyqësor që prej fillimit të ngjarjes.
Hetimi në lidhje me ish-ministrin e Mbrojtjes, Fatmir Mediu, është karakterizuar si i ngadalshëm dhe i zvarritur.
Ky vendim i Gjykatës së Strasburgut pritet të ketë ndikim në procesin gjyqësor në GJKKO.
Çështja ndaj ish-ministrit të Mbrojtjes, Fatmir Mediu, është rihapur pasi Zamira Durdaj, e cila humbi të birin në tragjedinë e Gërdecit, e ka akuzuar atë për keqpërdorim të detyrës zyrtare.
Mediu ishte një nga të akuzuarit për shpërdorim detyre për ngjarjen e vitit 2008, ku Shqipëria u trondit nga shpërthimi i një depoje të armëve ushtarake në Gërdec, në afërsi të Tiranës ku mbetën të vdekur 26 persona.
Ndryshe, tragjedia e Gërdecit kishte ndodhur më 15 mars të vitit 2008.