Meteorologu, Sylë Tahirsylaj, i ftuar tek emisioni “Rreth e Rrotull”, ka njoftuar publikun se gjatë ditës së sotme, të shtunën dhe të hënën do të ketë reshje të shiut intensive pa shkaktuar vërshime, por vetëm një degradim të natyrës, përkatësisht, në vendet kodrinore-malore, në bjeshkë ku ka shkallë të lartë të dëmtimeve të pyjeve.
“Ditën e sotit, të shtunën dhe të hënën. Tri ditë do të ketë reshje shiu, të cilat janë intensive, që do të shkaktojnë jo vërshime, por një degradim të natyrës, përkatësisht, në vendet kodrinore-malore, në bjeshkë ku ka shkallë të lartë të dëmtimeve të pyjeve. Por, vërshime intensive nuk do të ketë si më parë, por një situatë pothuajse e pranueshme pasi që jemi në stinën e vjeshtës. Temperaturat do të luhasin, sidomos, në vendet kodrinore-malore, p.sh në ditën e premte do të jenë 1-14 gradë, ndërsa në ditën e shtunë do të jenë 9-12 shkallë”, ka thënë Sylë Tahirsylaj.
Ndërsa, Sylë Tahirsylaj ka thënë se do të ketë reshje të dobëta të borës në vendet kodrinore-malore me lartësi mbidetare prej 1700 metrash, të cilat do të jenë të paqëndrueshme si rezultat i uljes së temperaturës me nivelin e tokës.