Paraditen e së enjtes së 9 nëntorit, në zyrën e tij të punës, është sulmuar fizikisht ushtruesi i detyrës i drejtorit të minierës në Stan Tërg, Bahri Karaqa.
Lajmin për Portalin Dukagjini e ka konfirmuar vetë u.d. i drejtorit të minierës.
“Po, është ardhë më ka sulmuar një në zyre papritmas, m’i ka dhënë do grushte në kokë. Ai është një punëtor i Trepçës. Aktualisht jam në ambulant”, ka thënë Karaqa.
Arsyeja, sipas u.d. të drejtorit të minierës, është sepse të njëjtit dje i është shqiptuar një vërejtje me shkrim për mospërfillje të urdhrave.
Aktualisht, Policia e Kosovës është në vend të ngjarjes.
Ndryshe, gjatë muajit tetor për 10 ditë me radhë, minatorët në minierën e Stan Tërgut protestuan duke mbajtur grevë urie.