Presidentja e Kosovës, Vjosa Osmani, e ka emëruar Drilon Gashin si shef të Misionit të Kosovës në Poloni.
Këtë e ka bërë të ditur vetë Gashi përmes një postimi në Facebook.
“Kam nderin dhe privilegjin e madh të emërohem nga Presidentja Vjosa Osmani si Shef i Misionit të Kosovës në Poloni. Pres me padurim që të forcoj marrëdhëniet me Poloninë si një partner i rëndësishëm i Kosovës dhe që të kultivoj mëtej lidhjet e komunitetit kosovaro-polak”, ka shkruar Gashi.
Gashi ka thënë se është mirënjohës për mundësinë për t’i shërbyer vendit dhe për të përfaqësuar Kosovën jashtë vendit “në mënyrën më të mirë të mundshme”.