Zjarr në objektin e Institutit të Mjekësisë Ligjore, nuk ka të lënduar

Institutin e Mjekësisë Ligjore e kanë kapluar flakët në mëngjesin e së martës

Foto: NACIONALE.COM

Objektin e Institutit të Mjekësisë Ligjore e ka kapluar zjarri mëngjesin së martës.

Burime të “Betimi për Drejtësi” brenda Policisë së Kosovës bëjnë të ditur se është djegur zyra e Arsim Gërxhaliut. Po ashtu, dyshohet se janë djegur edhe disa zyra tjera.

Zëdhënësja e Policisë së Kosovës për rajonin e Prishtinës, Flora Ahmeti ka thënë se dy zyra janë përfshirë nga zjarri dhe se nuk raportohet për të lënduar.

Sipas saj zjarrfikësit e kanë lokalizuar zjarrin.

“Sot rreth orës 08:00, është raportuar se në Institutin e Mjekësisë Ligjore në Prishtinë , dy zyra janë përfshirë nga zjarri. Policia menjëherë ka dalë në vendin e ngjarjes, po ashtu edhe zjarrfikësit të cilët kanë lokalizuar zjarrin. Nuk raportohet për persona të lënduar. Aktualisht  policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, tha ajo.

Në vendin e ngjarjes ka dalur edhe eksperti mjeko-ligjor Arsim Gërxhaliu, zyra e të cilit dyshohet se është djegur në IML.

Zv.komandat i Brigadës së Zjarrfikësve në Prishtinë, Abdusamed Shkodra ka thënë se zjarrfikësit e kanë lokalizuar zjarrin në objektin e Mjekësisë Ligjore në Prishtinë

Ai ka bërë të ditur se çdo gjë është nën kontroll, dhe se përveç dëmeve materiale nuk ka të lënduar.

“Rreth orës 07:54 minuta Brigada e Zjarrfikësve të Prishtinës ka pranuar një lajmi nga stafi i Mjekësisë Ligjore është duke u ndezur objekti i IML-së. Ekipi i zjarrfikësve emenjëherë kanë dalur në vendin e ngjarjes dhe kanë intervenuar në një kohë shumë të shpejtë kanë lokalizuar zjarrin. Edhe këto momente janë duke vazhduar me fikjen e zjarrit. Çdo gjë është nën kontroll. Nuk ka diçka rrezik. Nuk ka pasur persona të lënduar. Edhe stafi është kanë jashtë”, ka thënë Shkodra.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika