“Edhe tash nëse ndodh sipas paralajmërimeve të Kurtit, është në suazat e programit, skenarit për të krijuar një psikozë luftë, frikë të qytetarët dhe me e arsyetu implementimin e marrëveshjeve të dëmshme për këtë vend”.
Paralajmërimi i kryeministrit, Albin Kurti, se në Rashkë të Serbisë po shihet një riorganizim i grupit paramilitar dhe terrorist i Millan Radoiçiq, me mbështetje dhe udhëheqje të shtetit serb, është pjesë e një skenari, sipas deputetit të PDK-së, Hisen Berisha.
E ky skenar, “është i atyre të akterëve që janë ulur në tavolinën e bisedimeve”.
“Mund të jetë i të gjithë akterëve që ulën në tavolinë dhe influencohen nga jashtë, se aty nuk ulen veç me kokën e vet, po kanë edhe influencimin nga jashtë. Vuçiq përfaqëson satelitin e Rusisë në Ballkan…. Edhe nëse ndodh nesër një sulm kryeministri po e din, NATO po e din, BE-ja po e din. Po thotë edhe në Rashkë janë duke u stërvitur edhe e din kush, Radojoçiqi, të cilin ky e ka leju me u largu prej Banjskës, po stërvit njerëzit me ardhë në Kosovë”, ka thënë Berisha në “FIVE” të Dukagjinit.